Дэлхий дахинд амар амгаланг тогтоож, өнөөгийн ертөнцийг үндэслэсэн, мянганы суут хүн Чингис хааны мэндэлсэн тал нутагт түүний нэрээр нэрлэгдсэн Чингис хаан Үндэсний музей-г Монгол Улсад 2019-2022 оны хооронд байгуулсан юм. Тухайн үеийн Монгол Улсын Ерөнхий сайд, одоогийн Ерөнхийлөгч У.Хүрэлсүхийн шийдвэр гарч Монгол Улсын Засгийн газрын санхүүжилтээр байгуулагдсан соёлын салбарын томоохон бүтээн байгуулалт гэж хэлж болно.
Чингис хаан Үндэсний музей нь орчин үеийн дэлхийн жишигт нийцсэн стандарт шаардлага, техник, тоног төхөөрөмжөөр хангагдсан, 100 гаруй боловсон хүчинтэй, нийт 6 давхар үзэсгэлэнгийн танхимтай, хурлын заал, тусгай үзэсгэлэнгийн танхим, хүндэтгэлийн өргөө, номын сантай. Тус музей Чингис хаанаас өмнөх цаг үеийн эртний төрт улсууд, Монголын эзэнт гүрний үе, Их хааны угсааныхны үе гэсэн гурван үндсэн хэсгээс бүрдэнэ. Монголын төрт улсын түүхийг бүрэн харуулсан, нийт үзмэрийн 90 гаруй хувь нь эх оригинал үзмэр, AR, VR зэрэг технологийн шийдлийг ашигласан музей юм.
Манай цахим хуудаст зочилж буй эрхэм хүндэт танд шаардлагатай мэдээ мэдээллийг бид түргэн шуурхай хүргэх бөгөөд цаашид та бүхний санал зөвлөгөөг авч ажиллах боломжтой.
Мянганы суут хүн Чингис хаанаар овоглосон хаад язгууртны музейд тавтай морилно уу.