"Мянганы суут хүн Их Эзэн Чингис хаан" түүхэн аялал жуулчлалын үндэсний паркийн хүрээнд Хэнтий аймагт байрлах 4 цогцолбор — Их Хуралдай, Чингис хаан, Монголын нууц товчоон, Шихихутуг — мөн "Хаан Найрал" чуулга, "Андлалын хөшөө" төслөөр аялаарай.
Танилцуулга · цагийн хуваарь · зургийн цомог · арга хэмжээ · байршил · үзэсгэлэнт газрууд · тасалбар
01 · Үндсэн цогцолбор
Хэнтий аймаг, Биндэр сум — Онон Хурхын бэлчир
9 хөлт цагаан сүлдийг бэлгэдэн ган төмрийг мушгиж урласан хүндэтгэлийн орд өргөө. 2025.06.22-нд нээлтээ хийж нэг жилийн дотор 8,200 жуулчинд үйлчилсэн. УБ-аас 420 км.
02 · Үндсэн цогцолбор
Хэнтий аймаг, Дадал сум — Ононы Дэлүүн болдог
Чингис хааны төрсөн нутаг. Монгол туургатны эв нэгдэл, оюун санаа, бахархалын төв — "Пакс Монголика" гэдэг үзэл суртлын ундраа. УБ-аас 670 км.
03 · Үндсэн цогцолбор
Хэнтий аймаг, Дэлгэрхаан сум — Хэрлэний Хөдөө арал
Чингис, Өгөдэй, Мөнх, Есөнтөмөр их хаад залсан Монгол төрийн голомт нутаг. XIII–XIV зууны "Монголын нууц товчоон"-ы зохиогдсон үндсэн газар. 100–150 хүн багтаамж.
04 · Үндсэн цогцолбор
Хэнтий аймаг, Норовлин сум
Их Монгол улсын төрийн их заргач Шихихутугийн нэрэмжит цогцолбор. Бүхэлдээ босоо монгол бичгээс бүтсэн — дэлхийд цорын ганц монгол бичгийн монументал бүтээл. УБ-аас 533 км.
Монголын уламжлалт хөгжимт жүжгийн чуулга
400 гаруй жилийн өмнөх Лигдэн хутагт хааны "Ордны найрал"-д эгшиглэж байсан "Алтан үсэг"-ээр тэмдэглэгдсэн ноотны олдвор, хувцас хэрэглэл, хөгжмийн зэмсгийн түүхэн олдворуудад үндэслэн сэргээн бүтээсэн чуулга.
Чингис хааны дурсгалт түүхэн газруудаар аялах төсөл хөтөлбөр
"Хаадын зам" нь Чингис хаан болон Их Монгол улсын хаадын дурсгалт түүхэн газруудаар дамжин өнгөрөх аяллын маршрут юм. Аялагчид Хэнтийн нурууны үзэсгэлэнт байгаль, түүх соёлын дурсгалт цогцолборуудтай дэс дараатай танилцана.
Музейн боловсролын зуны зуслангийн төсөл хөтөлбөр
Хэнтий нутагт жил бүр зохион байгуулдаг хүүхэд багачуудад зориулсан түүх, археологи, угсаатан судлал, монгол бичгийн боловсролын зуслан. 12–17 насны хүүхдүүд байгаль, түүхтэй танилцаж, дадлага хийнэ.
Улаанбаатараас Хэнтий аймгийн төв Чингис хот хүртэл 331 км, ~4 цаг. Цогцолбор хоорондын зай 30–120 км. 4WD машин зунд илүү тохиромжтой.
Драгон автобусны буудлаас Чингис хот, Дадал, Биндэр чиглэлийн автобус өдөрт 1–2 удаа явдаг. Сум хоорондын зай бэрх — машинаар үргэлжлүүлэх шаардлагатай.
Музейтэй хамтран ажилладаг 8 туроператорын 3-7 хоногийн багц аялал. Хөтөч, тээвэр, хоол хүнс, байр оруулсан.
VIP, ховор зочдод зориулсан тусгай үйлчилгээ. Музейн төв буудлаас цогцолбор хооронд агаараар.
